Türkmenistanda Arkadag şäheriniň «AMC» markasy bilen çaga iýmitiniň önümçiligi ýola goýlup başlandy

Arkadag şäheriniň (Arkadag Medisina Klasteri) medisina klasteri çaga iýmitini öndürip başlamak bilen, önümleriniň görnüşini giňeldýär. «AMC» markasy bilen indi tüwi şülesi, bananly tüwi şülesi, bally mannaly şüle we ýedi däneli şüle ýaly mikroelementlere baý şüleleri öndürýär. «Neýtralnyý Türkmenistan» gazetiniň habar bermegine görä, bu önümler alty aýlyk çagalar üçin lukman-hünärmenler tarapyndan maslahat berilýär.

Türkmen halkynyň Milli lideri Gurbanguly Berdimuhamedowyň başlangyjy bilen döredilen Arkadag şäheriniň Medisina klasteri daşary ýurtdan getirilýän önümleriň ornuny tutýan we eksporta gönükdirilen lukmançylyk önümlerini öndürmekde möhüm ähmiýete eýe bolýar. Önümçilikde alnyp barylýan ähli işler halkara hil standartlaryna we ekologik talaplara doly laýyk gelýär.

Häzirki wagtda Türkmenistanyň lukmançylyk edaralarynyň bir gezek ulanylýan lukmançylyk önümlerine, ýorgan-düşek daşlyklaryna, ýektaýlara we aýakgap örtükleri bolan bahilalara bolan zerurlyk Medisina klasteriniň önümçiligi bilen doly kanagatlandyrylýar. Ähli önümler Arkadag şäheriniň Döwlet arassaçylyk we keselleriň ýaýramagyna garşy göreşmek gullugynyň barlaghanalarynda we paýtagtymyzyň Jemgyýetçilik saglygy we iýmit merkezinde berk barlagdan geçirilýär. Olar ýaňy-ýakynda TDS ISO 9001 hil ulgamyna laýyklyk şahadatnamalaryny aldylar.

Ýokary hilli çaga iýmitini gözleýän ene-atalar üçin «AMC» önümleri çagalaryň saglygyny we ösüşini üpjün edýän ajaýyp saýlamadyr.